31 May 2011

أحلى مناظر... أبسطن

منظر صبي زغير, بالسيارة يللي حدي, من بعد الساعة 8, عم يطلع من القزاز لَبرا, مبسوط بالعجقة و الضوية
منظر زلمي ختيار, قَنجأ قادر يمشي, قنجأ معو ياكل, مجمع البسينات بشارع الحمرا و عم بطعميون
منظر بنت, مش كتير زغيرة بس مش كبيرة, مبسوطة و عم تضحك من كل قلبا لأنو بعد شوي رح تاكل
كِلا كِلا شوكولاcrepe
منظر تنين كانو عم بيتخاناقو و بقَقل من دقيقة تصالاحو و غمرو بعض و بتَسَمو لبعض من كل قلبن
منظر رفيقتي بالصف وقتا قَلا الأستاذ إنو شغلا حلو كتير و ناجح
منظر أهلي وقتا إرجع علبيت, إذا كنت غايبة 5 دقائق أو جمعة , و سلامن لغير عن كل سلمات العالم
منظر رفيقي هو و عم بيخدم قداس الأحد, خصوصي وقتا يغمض عينَي و يضحك ضحكتو الطفولية البريئة

ما نفتش كتير على المناظر الحلوة, لأنو أحلى مناظر هيني لمنشوفن كل يوم بلا ما نلاحظ, هن أبسط مناظر


2 comments:

  1. كتير مظبوظة... نشكر الله أنا من "أحلى المناظر" بحياتك :)
    la simplicite fait la beaute :)

    ReplyDelete