27 February 2011

(cheminee) الشميني



قاعدة قدام الشميني، عم بجرب إدرس مادة مش طيقتا: سياسي! فوق أهلي عم بيحضرو مؤتمر لسياسي، ضروري يحضرو لأنو ناطرين منو موقف وقرار.

منظر الشميني حلو، بيلهيني شوي عن التركيز عل درس، بس أنا دافية وهيك أحسن!

رواء كتير، ما في إلا صوت الشميني لبنعس شوي وأنا أصلاً تعبانة ونقصني نوم، بس بروئ كمان وبشيل السترس.

النار عم بتعمل خيلات ع وراقي، مش قاشعة منيح الكلمات، مش مهم، أهم شي ألقط الفكرة.

اجت امي وضوتلي الضو... نزعتا؟ زبطتا؟

أصلاً كنت حبعد عن النار لأنو بلشت أفطس فأصلاً كانو الخيلات رح يروحوا، بس امي كانت حىضوي الضو عكل الحلات.

"لي قاعدي عل عتمة؟" سألتني من أقل من دقيقة، نسيت شو جوبتا! كأنو حدا غيري حكي، نسيت عنجد.

قدي حتكون غريبة إذا طلعت وسألتا: دخلك ماما وقتى سألتني لي قاعدي عل عتمة شو جوباتك؟

بس أصلاً أكيد هي كمان نسيت، ولي سألتني من الاول مازال الجواب ما حيعلق والضو كانت حىضوي بكل الحالات.

بلشو يوصلوا لعازمينن عل غدا... الحطبات كتار.. الغدا كمان حد الشميني..

جعت، كتير جعت..

No comments:

Post a Comment