الراديو!
إيه صح يمكن خلصت ايامو، بس مش عل اخر، بما إنو ما حدا منا ظامت من عجقة السير عل قليلة ساعتان بالنهار.
أنا من الأشخاص لبيستعملو هل علبة بالسيارة، يمكن حاصرة حالي بكم إذاعة، بس من يلي بسمعن، كفاية للاحظ كم شغله بت ضحك!
متل التليفزيون، الراديو بيتكل على الإعلانات، بس الفرق إنو هو صوت بلا صورة، وإذا كنت قوي عراف أية ساعة بت بلش الدعاية وأية ساعة بتخلص!
ذات الأصوات، ذات النبرة، ذات الأفكار، ومدحوشين دحش، ما بت لحق تخلص كلمتا المدموزيل تتلئيلا التانيه من بعدا، وبت ضيع الطاسة وببطل معروف كيف، وليش، وشو ،ووين ؟!
البرامج.. يمكن أشطف زوم من التليفزيون، بما إنو ما عندو صورة تسلينا بأشكالا وألونا، بيتطرو يستعملو ال"معلومات" تيسلونا، بس وقتى قول معلومات، مش بالضرورة يكون قصدي ثقافة، بكون قصدي... أهوهووو...
هيدي لبست، وهيدي حبلت، وهيدا راح وهيدا إبتسم، وهيدا... وهيدا أكسيدان (accident)
"حق عالراديو، لتهيت في أنا وعم بجرب لحق خبرية هيدوليك لشوف إذا لقالوا هول مظبوط!"
بس تما كون عم بزيدا، منيح إنو بعدو الراديو مضاين وإلا شو كان بصبرنا بهل عجقات كل يوم؟
وكمان منيح... لولا... خششش... قطعت... صوب بكفيا.... ارسال... بروح... خششششششش...
I likes your article.
ReplyDeleteFi araf ! Bass you can always solve the problem with a recorded cd.
Preferably for A ziad rahbani play form time to time. (You knwo they are all audio)